Cette page n’a pas encore été corrigée
pour voir s’il l’entendroit bien parler, mais elle estoit sortie pour aller chercher Lysis avec son chartier. En fin il ne s’en faloit guere qu’il ne crust estre devenu sourd pour toute sa vie, mais Hircan s’approchant de luy, luy parla tout bas à l’oreille avec une semblable action que s’il luy eust parlé fort haut. Mon bon amy, luy dit il, vous voyez que vous estes sourd, demandez moy pardon de m’avoir mesprisé si vous voulez estre guery. Je vous crie mercy de toute mon affection, dit Adrian, obligez moy tant que de me rendre l’ouye, et le reste de mes jours je seray vostre tres humble serviteur. Hircan luy aporta alors un peu d’huile sur une assiete avec un bout de plume, et luy en frotta les oreilles
