eust faict
p442
la mauvaise, vous n’eussiez point entendu ses cris, et s’il eust pris envie à nostre magicien de luy oster la veuë comme il vous avoit osté l’oüye, de vous deux eust esté composé ce bon mariage que les philosophes souhaittent, à sçavoir d’un mary sourd afin qu’il n’entende point le caquet de sa femme, et d’une femme aveugle afin qu’elle ne voye point les mauvais deportemens de son mary. Nous vivons si bien en nostre mesnage qu’il n’est pas besoin de ces expediens, repartit Adrian, je suis fort ayse de n’estre point sourd pour n’estre pas reduit à ce mal’heur d’estre en un lieu où l’on diroit pis que pendre de moy sans que je le pusse ouyr ? Recognoissez donc icy le pouvoir du maistre de ceans, dit Fontenay, aprenez aussi que
