Cette page n’a pas encore été corrigée
receut des lettres de la part d’Adrian, par lesquelles il luy mandoit que tous les parents de Lysis, dont par hasard quelques-uns connoissoient Charite, estoient d’avis qu’il la prist en mariage, moyennant que ses fantaisies passees ne luy revinssent plus. Anselme luy rendit aussi tost response au grand avantage de Lysis, et le pria de revenir en Brie avecque tous ceux qu’il voudroit amener, pour faire le mariage de son cousin. Le messager partit incontinent, et Lysis asseuré de son bonheur, estoit tellement surpris de ravissement qu’il ne sçavoit comment le tesmoigner. Il n’en dit que fort peu de chose, parce que Clarimond luy avoit defendu de tenir des propos inutiles quand il seroit en compagnie, de peur que par mesgarde il
