Cette page n’a pas encore été corrigée
ce qu’ils font retentir si haut dedans leur chaire, et que l’on treuve escrit dans tant de livres, que s’estant trouvé un coffre fort riche parmy les meubles de Darius, Alexandre ne trouva rien de plus digne d’y estre enfermé que son iliade d’Homere qu’il avoit tousjours sous le chevet de son lict : mais quand cela seroit vray, je diray que le livre n’en est pas meilleur et que ce prince s’en contentoit à faute d’autre : car y a-t’il aparence que luy qui estoit si grand capitaine fist estime des discours de guerre qui avoient esté escrits par un homme qui jamais n’y avoit esté, et qui parle des armes avec tant d’impertinence, qu’un petit escolier qui voudroit faire un roman en ce temps cy, ne commettroit pas tant de fautes de jugement.
