plus beaux exploicts de guerre pour nous donner un vray contentement. Heliodore a aussi oublié de rendre son histoire parfaicte. Il devoit parler des parens de Theagene aussi bien que de ceux de Chariclee. Le roy d’Aethiopie donne sa fille en mariage à un inconnu qui ne reçoit point de nouvelles de son païs. Cette histoire merite bien d’estre accompagnee de celle des amours de Daphnis et de Cloé. L’autheur faict ces jeunes gens si sots et si avisez tout ensemble, qu’il n’y a rien de vray semblable, mais ce qui me met en colere principalement, c’est que je croy que ce livre a donné sujet à plusieurs d’en vouloir aussi faire d’autres de bergeries, et je vous asseure qu’ils l’ont si bien imité qu’ils font tous que leurs bergers ne connoissoient
