tref-mauuaifes là, au respect de ce pays : mais ie leur oppofe, Malte, Naples, & plufieurs autres lieux, ou il faict autant ou plus de chaud qu'icy, & cependant les playes de tefte y font auffi tref-mauuaifes & mortelles. Tous les medecins curieux auec Galien, ne recoignoiffent-ils pas que ceux qui tombent malades lors que la Lune eft in Ariete, ou Libra, auec les planetes falubres, que tels malades ne font point en danger de mort, & principalement fi les mefmes planettes fe font rencontrez à la natiuité d'iceux ? & au contraire icelles maladies font mortelles fi la Lune eft au Taureau, à l'Efcorpion, ou Aquarius, auec les planettes malignes ? mais par quelles qualitez manifeftes fe font ces chofes ? Galen qui n'efpargnoit rien pour fe faire cognoiftre de vif & grand iugement, dict pour toute raifon de ces effects qu'il cognoiffoit cela eftre veritablement par experience, & qu'il l'auoit premierement appris des Egyptiens, & que fans s'enquerir plus auant, il le falloit croire ainfi, attendu que l'experience le faisoit voir veritable : foit doncques affez parlé des influences quelles elles font, & que vrayement il y en a, & retournons à noftre propofition, que l'Epilepfie eft caufée par influence en ce pays de Prouence. La verité de cefte propofition fe monftrera en cefte façon, c'eft que ie prouueray que l'air eft caufe de cefte affection en ce pays ; fecondement, qu'il ne peut faire cela que par certaine influence, pour la premie- [D5] re
