VIIIxx XIIII (=doit se lire (8 x 20) + 14 = 160 + 14 = 174)
Testament du XI d’aoust 1652 Jacques de Batancourt
Fut p[rése]nt M[essir]e Jacques de Batancourt prestre de soubzsigné, vicaire en l’eglise St Nicollas du Chardonnet de ceste ville, residant en la Communaulté des prestres de la[d]ite eglise size rue St Victor, gisant au lit malade de corps, sain toutefois d’esprit, memoire et entendement ainsy que de prime face[1] il est paru aux notaire soubz[sign]é, par ses parolles et maintien. Lequel considerant qu’il n’est rien de plus incertain que l’heure de la mort, de laq[ue]lle ne desirant estre surpris sans tester, mais tendis que sens et raison sont en luy et gouverne[nt] ses pensées, a voulu disposer des[ditz] peu de biens qu’il a pleu a Dieu luy prester en ce mortel monde, comme de faict il en dispose par le p[rese]nt son testament qu’il faict au nom du pere, du fils et du St Esprit, en la maniere que ensuict.
Premierement, a recommandé et recommande son ame a dieu le createur, a la glorieuse vierge Marie et a tous les sainctz et sainctes de paradis qu’il prie intercedder pour luy envers Notre Seigneur Jesus Christ, a ce qu’il luy plaise collocquer son ame au nombre des bienheureux en son paradis.
Item veult ses debtes estre payés et tors faictz, sy aucuns y a reparés et amander par son executeur cy après nommé.
Item, quand il plaira a dieu l’appeller hors de ce monde, veult son corps estre inhumé et enterré au Cimetiere de la parroisse de lad[it]e eglise et quand a son convoy [ajout en marge : il sera faict comme au plus pauvre de la parroisse] Ordonne que le jour de son enterrement, il soit dit ung service complet et six messes basses a l’hostel privilegié et ung autre service complet le lendemain de son decedz. Ne veult qu’il soit faict aucune sonnerye ny pompe, ains quil ayt le pouasle des pauvres.
Item, donne et legue a la Communaulté des prestres de la[dit]e paroisse tous et checuns ses livres
- ↑ de prime face = aussitôt.
