Aller au contenu

Page:The Anglo-Norman Voyage of St. Brendan, 1928.djvu/234

La bibliothèque libre.
Cette page n’a pas encore été corrigée

e tuit li altre oisel,
Pur ço que a mei semblez mult bel.’L’oiseil respunt :’Angele sumes,
520 E enz en ceil jadis fumes ;
E chaïmes de halt si bas
Od l’orguillus e od le las
Par superbe qui revelat,
524 Vers sun seignur mal s’eslevat.
Cil fut sur nus mis a meistre,
De vertuz Deu nus dut paistre ;
Puroc que fu de grant saveir,
528 Sil nus estout a meistre aveir.
Cil fud mult fels par superbe,
En desdein prist la Deu verbe.
Puis que out ço fait, lui servimes
532 E cum anceis obedimes ;
Pur ço sumes deseritét
De cel regne de veritét.
Mais quant iço par nus ne fud,
536 Tant en avum par Deu vertud :
N’avum peine si cum cil
Qui menerent orguil cum il.