Cette page n’a pas encore été corrigée
Primes depart, puis amasset ;
1156 Ne cheit sur eals, ainz passet.
U cheit en mer, iloec art
Cum brüere en un asart,
E mult lunc tens art la lame
1160 En la mer a grant flamme.
Li venz la nef ad cunduite,
Pur quei d’iloec pregnent fuite.
Al vent portant s’en alerent,
1164 Mais la suvent reguarderent :
L’isle virent alumee
E cuverte de fumee.
Malsfez veient millers plusurs ;
1168 Criz de dampnez oënt e plurs.
Püur lur vent forment grant
Del fum chi luign par l’air s’espant.
Endurerent cum melz pourent ;
1172 Eschiverent cum plus sourent.
Sainz hoem cum ad plusurs travailz
De faim, de seif, de freiz, de calz,
Ainxe, tristur e granz poürs,
1176 De tant vers Deu creist sis oürs.
