Cette page n’a pas encore été corrigée
Veient en mer une boche
Si cum ço fust une roche ;
E roche fut verablement,
1216 Mais nel quïent crëablement.
Dunc dist l’abes :’Ne demurum !
Sachum que seit, si i curum.’Vindrent ila, si truverent
1220 Iço que poi espeirerent :
Sur la roche u sunt venud
Trovent seant homme nud.
Mult ert periz e detirez,
1224 Delacherez e descirez.
D’un drap liéd sun vis aveit,
A un piler si se teneit.
Fort se teneit a la pere
1228 Que nel rusast le unde arere ;
Undes de mer le ferent fort,
Pur quei n’ad fin la süe mort.
Le une le fert, pur poi ne funt ;
1232 Le altre detriers jetet l’amunt.
