Cette page n’a pas encore été corrigée
Peril devant, peril desus,
Peril detriers, peril dejus ;
Turment grant ad a destre,
1236 Ne l’ad menur a senestre.
Quant l’unde ad fait ses empeintes,
Mult lassement fait ses pleintes.’A ! reis, Jesu, de majestét,
1240 Faldrat ma morz n’ivern ne estét ?
Jesu, chi moz tut le trone,
Ja est ta mercit itant bone.
Jesu, tant es misericors ;
1244 Ert nul’hure que seie fors ?
Jesu, li nez de Marie,
Ne sai si jo mercit crie :
Ne puis ne n’os, quar tant forfis
1248 Que jugemenz de mei est pris.’Quant le oit Brandans issi plaindre,
Unches dolur nen out graindre ;
