Cette page n’a pas encore été corrigée
Jo sui qui sun aveir guardai,
1272 En larecin le debardai ;
E le offrande q’um li portout,
Tut’as povres il l’enhortout,
Jo celoue en mes burses :
1276 Puroc me sunt peines surses ;
E quidoue que fust celét
A lui qui fist cel estelét.
As povres Deu bien defendi ;
1280 Or sunt riche, e jo mendi.
Jo sui li fels qui Deu haï,
Le simple agnel as lus trahi.
Quant vi que as mains ert Pilate,
1284 Dunc oi chere forment mate.
Quant vi as mains ert as Judus,
A ceals crüels liverez li pius,
Quant vi que as gabs l’aürouent,
1288 E d’espines coronouent,
Quant vi vilement que fud traitez,
Sachez que fui mult dehaitez.
Puis vi que fud menez tüer ;
1292 Le dulz costéd vi sanc süer.
