Cette page n’a pas encore été corrigée
Quant vi qu’en cruz esteit penduz,
E fud a mort de mei venduz,
Les deners tost offri trente ;
1296 Cil ne voldrent cuilir rente.
Repentance n’en oi sage,
Ainz me tuai par ma rage.
E quant confés ne me rendi,
1300 Dampnez sui de di en di.
Tu ne veiz rien de ma peine
Que enz enfern jo demeine ;
Cist est repos de mun peril,
1304 Que al samadi prenc al seril.
Diemaine trestut le jurn
Desque al vespere ai tel sujurn,
E del Noël la quinzeine
1308 Ici deport ma grant peine ;
E as festes la Marie
Mes granz peines n’i ai dunc mie ;
Pasches e a Pentecoste
1312 Fors tant cum veiz n’i ai plus custe ;
A feste altre en trestut l’an
N’ai entrebat de mun ahan,
Diemaine al serir
