Cette page n’a pas encore été corrigée
Ne puis vomir pur le quivre
Que cil la me firent beivre ;
Puis enfle fort, e li quirs tent ;
1424 Anguisus sui ; pur poi ne fent.
Tels calz, tels freiz e tels ulurs
Suffret Judas e tels dolurs.
Si cum fud er al samedi,
1428 Vinc ci entre nune e midi ;
Hui mei repos a cest sedeir.
Eneveies avrai mal seir :
Mil deiables senés vendrunt ;
1432 Ne avrai repos quant mei tendrunt.
Mais si tu es de tel saveir,
Anuit me fai repos aveir !
Si tu es de tel merite,
1436 Anuit me fai estre quite !
Bien sai que tu sainz es e pius,
Quant sanz reguarz vens a tels lius.’Plurout Brandans a larges plurs
1440 D’iço que cist ad tanz dolurs ;
Comandet lui qui lui dïet
Que li dras deit dum se lïet,
E la pere u il se tint,
