à penser à quelle peine, et ce pour appetit de gaigner quelque pauure accoustrement de meschante doublure, ou quelque chemise. Bois iaune. Bois de couleur de pourpre. Il se trouue dauantage en ce païs un autre bois iaune[1], duquel ils font aucuns leurs espées : pareillement un bois de couleur de pourpre, duquel à mon iugement l’on pourrait faire de tres bel ouurage. Ie doubte fort si c’est point celuy duquel parle Plutarque, disant que Bataille en bois de pourpre. Caius Marcus Rutilius, premier dictateur de l’ordre populaire, entre les Romains, feit tirer en bois de pourpre une bataille, dont les personnages n’estoyent plus grands que trois doigts : et auoit esté apporté ce bois de la haute Afrique, tant ont esté les Romains curieux des choses rares et singulieres. Bois blâc. Dauantage se trouuent autres arbres, desquels le bois est blanc comme fin papier, et fort tendre : pour ce les Sauuages n’en tiennent conte. Il ne m’a esté possible d’en sçauoir autrement la propriété : Betula. sinon qu’il me vint en memoire d’un bois blâc, duquel parle Pline[2], lequel il nomme Betula, blanc et tendre, duquel estoient faites les verges, que lon portoit deuant les magistrats de Rome. Diuersité de terre. Et tout ainsi qu’il se trouue diuersité d’arbres et fruits differents de forme, couleurs, et autres proprietez, aussi se trouue diuersité de terre, l’une plus grasse, l’autre moins, aussi de terre forte, dont ils font vases à leur usage, comme nous ferions par deçà, pour manger et boire. Or voila de nostre Amerique, non pas tant que i’en puis auoir veu, mais ce que m’a
