Des espées de Montluçon,
Armuriers, nobles de courage,
Ouvriers de chascune façon,
De tous mesliers le personnage.
On y trouve de bon fromage,
Guyrs de vaches et de Cordouen,
Des draps pour le commun usage,
Mais ils sont meilleurs à Rouen.
Plus y a : quiconque entreprent
Tant de parolle que de faict,
Contre l’ostel, mal luy en prent,
Et à la fin en est deffaict.
On en a bien veu qui l’ont faict,
A qui il n’en eut pas bien pris.
L’entreprinse ore leur desplait ;
Plus n’y tourneront pour le pris.
Pas n’a tort s’il se glorifie
D’estre extraict d’une telle contrée,
Soubz si très haulte seigneurie
Tant bénigne et tant exaulcée.
En suppliant, s’il vous agrée
De regarder ce peu de chose.
Et le mettre en vostre pencée
Qu’il vous envoyé cy enclose.
Il est vostre, comme je suis,
Serviteur, sans affinité,
Sinon peult être entre deux huys
En quelque obscure extrémité.
Là, soubz le Benedicite,
Avez souvent, sans fiction.
En éminent nécessité
Prins repas de conjonction.
D’aller devers vous seroit prest
Pour vous soliciter son faict ;
Mais il a trois mois à l’arrest
Pour bien[1], sans riens avoir mesfaict,
Eslargy sera, s’il vous plaist,
- ↑ Texte fautif. On pourrait lire, selon Quicherat : pourry.
