Il faut aller comme le temps.
Le sage change de methode :
On luy voit sa barbe à la mode,
Et ses chausses et son chappeau ;
En ce differant du bedeau,
Qui porte, quelque temps qu’il fasse,
Mesme bonnet, et mesme masse4 ;
Son habit fort bien assorty,
Comme une tarte my-party,
Toutesfois sans trous et sans tache.
Il n’entreprend sur la moustache
De nostre baron pretendu,
De peur de faire l’entendu
Et en quelque façon luy nuire,
Car c’est elle qui le fait luire,
Qui fait qu’il se trouve en bon lieu
Et qu’il disne où il plaist à Dieu ;
Car il n’a point de domicille,
Et s’il ne disnoit point en ville,
Sauf vostre respect, ce seigneur
Disneroit bien souvent par cœur.
Bien que pauvreté n’est pas vice,
Ceste moustache est sa nourrice,
Son honneur, son bien, son esclat.
Sans elle, ô dieux ! qu’il seroit plat !
Ce beau confrère de lipée,
Avecque sa mauvaise espée
Qui ne degaine ny pour soy
4. Les bedeaux de l’Université portoient aux processions, devant le recteur et les quatre facultés, une masse ou bâton à tête garni d’argent.
