sçache plusieurs particularitez que l’histoire ne decrit point ?
Or escoute doncques, et aye patience.
Quelle comparaison peut-on faire à present de nos anciens rois avec celuy quy reigne, quoy en grandeur, en conqueste ? Sçache que sa face, à l’aage de dix-huict ans1, a plus espouvanté de villes rebelles dedans son royaume, a plus affermy son estat contre la rage et la furie d’un peuple mutiné, plus difficile à dompter que n’eussent faict 4 royaumes à conquester, tels que le Portugal, la Naple et la Cicille.
Nous ne deliberons pas de trouver sa vertu au detriment de la valeur de nos roys anciens : ce n’est pas nostre subject ; nous ne voulons montrer sinon que la grandeur de nostre temps et que les actions des anciens estoient en tout pueriles au respect des nostres.
Quand je contemple l’histoire, leurs richesses, leurs bastimens, leur plaisir à la chasse, leurs revenus, leurs mariages, leurs ordonnances ; et pour les peuples, leurs vestemens, leurs banquets, leurs mariages, leur science, leur pouvoir, leurs jeux, leurs discours, c’est un vray miroir pour mepriser l’antiquité.
1. Louis XIII, né le 27 septembre 1601, avoit vingt-un ans, et non dix-huit ans, en 1622, ce qui prouveroit que l’édition reproduite ici n’est pas la première qui eût paru de ce livret, mais qu’une autre, dont celle-ci est la copie textuelle, l’avoit précédée de trois ans.
