qu’ils occupent, tirant des louages excessifs, pouvant mieux subsister qu’eux ; aussi qu’il ne seroit pas raisonnable qu’ils fussent exempts d’essuyer en partie le mauvais temps present, il vous plaise de vos graces ordonner que lesdits suppliants seront deschargez des loyers dudit terme de Pasques passé, comme aussi de celui de Sainct-Jean mil six cent cinquante-deux, avec deffence ausd. propriétaires et sous-locataires de faire faire aucune contrainte pour lesdits termes de Pasques et Sainct-Jean jusques à ce qu’autrement par la Cour en ayt esté ordonné. Et vous feres bien.
Parlent sommairement les parties à maistre Le Nain, conseiller du roy.
Fait en Parlement, le 19 jour de juin 1652.
À la requeste de maistre François Parent le jeune, procureur en parlement, et de… soit sommé et interpellé maistre… de comparoir à dix heures du matin à la barre de la Cour pardevant monsieur Le Nain, conseiller, pour estre oüys et réglez sur la requestre presentée à ladite Cour le dix-neuf du present mois et an par ledit… et les y desnommez ; de laquelle coppie a esté baillée à ce que ledit… aye à deffendre si bon luy semble. Dont acte.
