apeler Heristalle[1], qui encor est ensi apelez des genz du païs. Son ost departi et l’envoia pour yverner par toute la terre. Les messages des Huns oï et congea, qui à li estoient venu à granz presenz. Les messages Adelphonz, le roi de Galice[2], reçut ausi moult honorablement, qui granz presenz li aportoient ; ses ii fiuz en renvoia, Pepin en Ythalie et Loys en Aquitaine, et manda A[b]delle, le devant dit Sarrazin qui à lui estoit venuz en message, que il alast oveques son fil Loys, et le menast parmi Espaigne. Cil le fist si comme li rois le commanda et le mena par tout là où il vot[3], et li rois demora en Saisoigne tot l’iver et i fist la sollempnité de Noël et de Pasques.
[4]En cele saison que li prins tens aproche (si n’estoit encores pas poinz que l’on peust ostoier pour le defaut de pastures), li Saine, qui habitent outre le flum d’Albe, s’esmurent et pristrent les messages et les genz que li rois avoit là envoiez pour le païs garder et jousticier. Une partie en occistrent et les autres garderent à reançon. Si pristrent ausi Godeçauz un message le roi en son retor, que il avoit envoié à Sigifroi le roi de Danemarche et l’occistrent. Moult fu li rois esmeuz de ces noveles ; ses oz assembla sor l’iaue de Wisare, ses herberges fist tendre en un lieu qui a non Mithidan[5]. En Saisoigne entra sor cele
- ↑ Heristalle, auj. Herstelle, Allemagne, prov. de Westphalie, district de Minden, , cercle de Höxter.
- ↑ Alfonse II, dit le Chaste, roi des Asturies ou d’Oviedo, fils de Proïla Ier, régna du 14 septembre 791 à la fin de 842.
- ↑ « Ut ipse voluit, in Hispaniam ductus. »
- ↑ Annales d’Éginhard, année 798.
- ↑ « In loco cui Minda nomen » (Éginhard). « Ad locum qui Minda dicitur perrexit » (Annales Laurissenses), auj. Minden, prov. de Westphalie, sur le Weser.
