ce lieu meismes, car il i avoit moult de lances. Cist signes fu merveilleus ; grant joie et grant porfit des ames senefioit ; grant occision et grant martyre des cors.
Que vous diroit-on plus ? L’endemain vindrent à bataille d’une part et d’autre. Occis i furent xlm crestiens et Miles[1] d’Angliers peres Rollant et chevetains des oz. Si furent cil des quiex les lances foillirent le soir devant la bataille. Tuit cist reçurent martyre pour l’amor de Nostre Seigneur. Là fu Karlemaines à tel meschief que ses chevaus fu soz lui occis. Si ot encores entor lui iim crestiens à pié ; lors s’estut li empereres sor ses piez[2], Joieuse s’espée sacha et se feri par grant vertu ou milieu des Sarrazins. Là trencha maint païen par mi et fist entor lui merveilleuse occision. Au vespre se retraistrent crestien et Sarrazin ausi vers lor herberges.
L’endemain vindrent secorre Karlemaine iiii marchis d’Ythalie à tot iiiim homes. Mais Aygolant qui bien sot que li secors li estoit venuz se retraist arrieres, et Karlemaines retorna lors a tot son ost en France[3].
Ou miracle devant dit des lances qui repristrent, est entenduz li saluz des âmes de ceus desquiex les lances foullirent et des noz meismes. Car ausi come li chevalier Karlemaine apareillierent lor armes pour combatre contre lor anemis, ausi devons-nous apareillier noz
- ↑ Le royal ms. 16 G VI ajoute ici en note : « le duc ».
- ↑ Latin : « Tunc Carolus stans pedes cum duobus millibus christianorum peditum. »
- ↑ Ce dernier membre de phrase fut ajouté par le traducteur, car, dans le texte latin, on dit seulement qu’Agolant se retira dans le pays de Léon, « mox, ut illos Aigolandus agnovit, terga vertens in Legionensibus oris secessit ».
