la fonteine de Lippie. Là fist tendre ses herberges et i demora ne sai quanz jors, puis torna son chemin vers Orient, droit à un chastel[1] qui a non Ovacres. Là vindrent à lui tuit li Saine orientel, ensi com il l’avoit comandé. De ceus fu une grant partie baptizié, plus par fausse simulation que pour autre chose, car il avoient tel maniere de costume. De là se departi li rois o tot son ost et s’en ala droit au flueve d’Albe. Ses herberges fist tendre en un lieu qui est entre cel iaue et une autre qui est nomée Ore[2]. Si assemblent tot à un en la pointe du lieu où li rois estoit logiez ; là demora une piece pour ordener des besoignes entre les Saines qui deçà ce flueve demoroient, et les Esclavons qui par delà habitoient ; et quant il ot les choses ordenées selonc la necessité du tens, il retorna en France.
[3]Pour aler à Rome mut li rois, si come il avoit devant proposé, por acomplir son pelerinage. La roine
- ↑ « Fleuve » (royal ms. 16 G VI, fol. 129 vo). Le texte latin donne bien : « Ad Ovacrum fluvium. » C’est la rivière de l’Oker qui est désignée.
- ↑ Au confluent de l’Ohre et de l’Elbe, « ubi Ora et Albia confluunt », près de Wolmirstädt, dit Pertz, op. cit., p. 161.
- ↑ Annales d’Éginhard, fin de l’année 780.