entre le flueve d’Albe et un autre qui a non Sahle[1]. Et puis que il fu en la terre entrez, il degasta et destruist toz les chanz et la contrée des Saines orientiex ; partie du pople occist et partie en mist en chaitivoisons ; les viles destruist et ardi ; atant retorna en France.
Endementiers que Challes ses fiuz, que il ot lessié en Winstephale, chevauchoit un jor en une contrée qui a non Drahigni[2], li vindrent au devant uns oz de Saines tuit prest à btailles delez le flueve de Lippe. Il se combati à els[3] à beneureuse fortune, car il les mist à tel confusion que il en occist la plus grant partie, et li remananz eschapa par fuite. A son pere retorna en France à grant victoire et à granz despoilles de ses anemis, et li rois reprist ses oz et retorna en Saisoigne encontre le tens d’iver. La Nativité celebra en ses herberges sor le flueve d’Ambre[4], en un païs qui est apelez Huttagore[5], près d’un chastel qui a non Squidroburc[6]. D’ilec se parti et s’en ala en un lieu qui a
- ↑ La Saale.
- ↑ Drahigni, le Dreini, pays arrosé par la Lippe, qui, d’après Pertz (Mon. Germ. hist., Scriptores, t. I, p. 167), renfermerait Hertfeld, Lisbon, Werne, Cappenberg, situés en Westphalie.
- ↑ Le royal ms. 16 G VI, fol. 132, ajoute : « A cheval », voulant ainsi rendre plus fidèlement le texte latin : « Commisso cum eis equestri prœlio. »
- ↑ Le flueve d’Ambre est l’Emmer, affluent du Weser, qui coule dans la principauté de Lippe et passe à Pyrmont.
- ↑ Huttagore, partie du diocèse de Minden comprise dans les comtés de Pyrmont, de Schwalenberg et pays voisons.
- ↑ Squidroburc, Schieder, localité de la principauté de Lippe-Detmold, sur l’Emmer.