plus lasches et plus perecheus que mestier ne seroit au roiaume governer. En tel discorde vindrent devant l’empereor, et quant la volenté du pople fu enquise et seue, li roiaumes fu donez au meneur des ii freres. Li empereres les honora moult et leur dona granz dons, jurer les fist que il seroient ami et loial li uns vers l’autre et vers li maismes ; si se departirent atant.
Entre ces choses, Lothaires, li i des fiuz l’empereor à cui li peres ot commandé le roiaume de Lombardie pour governer, par le conseil à ceus que il ot ovec lui envoiez, si comme l’estoire a desus dit, proposa à retorner à son pere[1]. Mais entre ces choses, li apostoiles Pascases li envoia ses messages et li mandoit, en proiant, que il alast à Rome et que il fust là à la Resurrection. Cil obei à son commandement, et li Apostoloies le reçut moult honorablement le jor de Pasques en l’eglise Saint Pere. La corone emperial li mist ou chief et fu apelez empereres Augustes, puis prist congié pour retorner en France. En la cité de Pavie[2] de-