moult en fu liez li empereres et moult volentiers leur otroia leur requeste.
En ce point fu conté à l’empereor que Leudevit li tyranz estoit morz et que il avoit esté occis en traïson[1]. Atant se departi li parlemenz et i autres fu criez à Compigne ou moys de septembre.
[2]En ce tens maismes, vindrent ausi noveles à cort que Theodores, secretaires de l’eglise de Rome, et Leons, donaires[3], estoient occis. Si leur avoit-on premierement les ieuz sachiez, et après copez les chiés ou Latran, en la maison l’Apostoile ; si disoit-on que c’estoit fait par envie, por ce que il estoient loial ami Lothaire, le fil l’empereor. En ce fait estoit li Apostoiles moult diffamez, car l’on li metoit sus que ce avoit esté fait par son assentement, et de ce fu moult li empereres esmeuz. Vers li et pour savoir se c’estoit voirs ou non i envoia-il Adelinge[4], l’abbé de Saint-Vahast et le conte Honfroi[5]. Mais avant que il partissent de cort seurvindrent li messages l’apostoile Pascase, Jehans, evesques de Blanche Selve, et Beneoiz, arcedyacres de l’eglise de Rome ; si les out envoiez à l’empereor pour soi escuser dou devant dit cas dont il estoit soupeçonez. Leur excusation fu oïe, congié
- ↑ D’après Éginhard, Annales, année 823, Liudwit aurait été assassiné en Dalmatie par Liudemahl, oncle du duc Borna.
- ↑ Vita Hludowici imperatoris, chap. xxxvii.
- ↑ Ces personnages sont ainsi désignés dans les Annales d’Éginhard : « Theodorum sanctæ Romanæ ecclesiæ primicerium et Leonem nomenclatorem, generum ejus. »
- ↑ « Adalungus. »
- ↑ Honfroi était duc de Coire (Suisse, ch.-l. du cant. des Grisons) ou de Rhétie (Éginhard, Annales ; Thegan, Vita Hludowici imperatoris, chap. xxx).
