sertes, se il plesoit à Dieu, peust estre ramenez en son sens. Si se pensa que il l’envoieroit à l’eglise Saint Pere de Rome, mais il entrelessa cele voie pour aucunes autres besoignes.
En ce tens repaira li empereres Loys en la cité de Capue ; si estoit ja morz Lamberz li Chauves et estoit venuz à grant ost I patrices de l’empereor des Griex en la cité d’Yndrone[1], pour aidier à ceus de Bonivent qui li promistrent que il li rendroient une somme d’avoir, par non de treuage, que il soloient devant ce rendre aus empereors qui estoient roi de France. Lors manda li empereres Loys à l’apostoile Jehan que il venist à lui en la cité de Capes[2], si que par lui fust à lui reconciliez ses comperes Adelgises[3]. Si tendoit à ce li empereres que ses sairemenz fust sauvez par la presence l’Apostoile, car il avoit juré que il prendroit à force celui Adelgise avant que il se partist du siege ; ne ainques prendre ne le pot.
Kalles li rois de France asembla son ost en ce contemple, et commanda que il s’en alast tout droit vers
