li dist : « Pourquoi as-tu paor ? ne pourquoi me fuis-tu ? Tu puez bien savoir se je ne venisse de par Dieu pour toi anuncier ce qui avendra par tens, que je n’osasse pas entrer après toi en ce mostier qui est la maison de Dieu. » Tant li dist de tiex paroles et de semblables que il prist communiun par la main du deable que Diex li enveoit par lui, si com il disoit[1]. Et tantost com il l’ot receue, li deables li entra ou cors. Tantost vint à son pere qui seoit ou milieu de son parlement, ovec ses autres fiuz et ses barons et ses prelaz. Lors le prist li deables à tormenter et dist devant touz que il voloit guerpir le siecle, et que jamais a sa fame n’abiteroit. Lors traist s’espée et la lessa chaoir à terre, et quant il vot desceindre le baudré, li deables le commença trop fort à tormenter ; et lors salirent avant li evesque et li baron, et le tindrent à force. De ce, fu li peres moult troblez et tuit cil qui là estoient. En l’eglise le menerent et tantost se revesti li arcevesques Manberz[2] por la messe chanter, et quant ce vint ou point de l’evangile, il commencer à crier à haute voiz : Ve, ve, ve, et touz jors cria ensi continuement jusques a tant que la messe fu chantée. Li peres qui moult estoit dolenz, le lessa aus evesques et à ses autres amis et commanda que il fust menez par les sains lieus des martyrs et des confessors, que par leur merites et par leur de-
- ↑ Le latin n’est pas traduit clairement : « His et aliis blanditiis ei persuasit ut communionem a Deo sibi missam de manu illius acciperet, sicut et fecit ; et post buccellam ipse Sathanas intravit in eum. »
- ↑ On a commis une erreur dans le manuscrit de Sainte-Geneviève en transcrivant ce nom, il faudrait Luitbert ; le latin donne : « Luitbertus archiepiscopus », c’est Luitbert, archevêque de Mayence du 3 novembre 863 au 17 février 889.
