Li vii parole comment li peres manda le fil, et puis s’en retorna ; de la mort Karlemene, et comment li baron manderent le roi Looys après le decès son père, et coment il le fist ensepouturer, et puis il rendi son testament, et de moult autres choses.
Li vii parole des messages l’empereor de Constantinoble, et coment li rois manda Bernart son neveu, qui rois estoit de Lombardie ; et puis comment il rendi aus Saines et aus Frisons leurs terres ; de la joustice que li apostoles Leons fist à Rome ; et comment li rois i envoia Bernart son neveu pour savoir la verité de ceste chose.
Li ix parole comment li rois envoia ses oz seur les Saines et seur les Abrodices, et comment leur terres furent gastées, et des fiuz Godefroi le roi de Danemarche ; dou pape et des Romains ; dou revel des Gascons ; de la mort l’apostole Leon, et puis comment li papes Estienes vint en France, et d’aucunes incidences.
Li x parole de la blecheure l’empereor, et comment il reforma l’estat des abbaïes et des eglises, et comment li prelat lessierent le bouban dou siecle à l’example de li ; comment il ordena de ses fiuz ; comment Berarz se revela contre lui, et puis comment il se repenti.
Li xi parole comment il fist joustice de Bernart son neveu, le roi de Lombardie, et de ses autres traiteurs, et de la presumption des Bretons et de leur subjection ; comment li empereres espousa la roine Judith ; dou mandement Leudevit à l’empereor, et comment li dux Borna occist iiim de la gent Leudevit.
Li xii parole coment ses fiuz Pepins ostoia seur les Gascons, et comment li dux Borna ostoia seur Leude-
