Page:Viard - Grandes chroniques de France - Tome 4.djvu/36

Li xxiii parole de la discorde des barons et dou pople dou roiaume d’Aquitaine ; dou parlement que li empereres tint à Chalon, de l’ordenance dou roiaume d’Aquitaine et de l’estat de sainte eglise ; comment ses fiuz Looys esmut derechief ses oz contre lui ; de la maladie que il en ot dou mautalent ; comment il acoucha du tot au lit de la mort en la cité de Maience.

Li xxiiii et li darreniers parole comment li empereres fist aporter touz ses jouiaus devant lui pour departir aus eglises ; comment il dona sa corone et s’espée à Lothaire pour ce que il amast et soustenist Judith sa fame et Kalle son fil ; comment il se complaint de son fil Looys ; de son trespassement, et comment Droues ses freres, evesques de Mez, fist le cors porter à Mez et noblement ensepouturer en l’eglise Saint Arnoul.

I.

Qui sa mere fu et quant il fu nez, et comment li peres li otroia le roiaume d’Aquitaine pour ce que il i avoit esté nez, et establi sages hommes pour l’enfant et le roiaume governer ; après, comment li empereres ala à Rome et fist l’enfant porter ovec lui ; au retor li livra le roiaume, et puis comment li peres le manda par II foiz.

Ci commence la vie et li fait dou debonaire Looys^[1], fil Challemagne le Grant, qui fu rois et empereres.

1. Pour la vie de Louis le Débonnaire, l’auteur des Grandes Chroniques suit la Vita Hludowici imperatoris de l’Astronome, dont les principales éditions sont celles de D. Bouquet, dans le Recueil des Historiens des Gaules et de la France, t. VI, p. 87 à 125, et de Pertz, dans les Monumenta Germaniæ his-