Le texte de cette page a été corrigé et est conforme au fac-similé.
Ovec lui, estoit lors i loiaus hons et sages, que ses peres li avoit envoié, Meginaires[1] avoit non ; sages estoit dou porfit temporel et de l’onesté qui au palais apartenoit. Tant plurent au pere ces choses quant il en oï parler que il s’enesjoissoit forment des faiz et des biaus commencemenz de son fil. A l’exemple de lui, lascha-il en aucuns lieus de France autiex rentes de blez que li poples devoit aus chevaliers.
III.
Des messages aus Sarrazins et dou mariage au roi Looys ; comment il ferma chastiaus et citez ; comment il prist pluseurs citez en Espagne ; comment il sui son pere en Saisoigne ; comment li empereres visita Bretagne et Normandie ; coment li rois Looys fist jugement des Gascoins selonc leur faiz.
[2]En poi de tens après s’en ala li rois en la cité de Thoulouse ; là tint general parlement de ses barons[3]. Les messages Alfons le roi de Galice[4], qui pour pais et pour aliances estoient venuz a granz presenz, reçut et congea, et les messages Bahaluc[5], un prince sarra-
- ↑ Comme Willibert, Meginarius devint archevêque de Rouen ; il le précéda sur ce siège.
- ↑ Vita Hludowici imperatoris, chap. viii.
- ↑ Cette assemblée de Toulouse eut lieu en 798.
- ↑ Alfonse II, dit le Chaste, roi d’Oviedo de 791 à 798.
- ↑ D’après la Vita Hludowici, Bahaluc commandait en Espagne la région montagneuse voisine de l’Aquitaine : « Lucis montuosis Aquitaniæ proximis principabatur. » D’après Reinaud, Invasions des Sarrazins en France, p. 110, et d’après l’Hist. de Languedoc, nouv. éd., t. I, p. 903, ce seraient les environs d’Huesca.
