il n’estoient au service Nostre Segneur. Et pour le service de sainte Eglise reformer, qui estoit obliez et dechauz, fist-il venir dehors de la terre maistres qui raprenoient l’us de chanter et de lire, et lisoient la divinité[1] et les autres sciences. Si avoit assez plus grant cure et plus grant compassion de l’estat des moines et d’autres genz de religion qui avoient lessiés les choses dou monde pour deservir la joie perdurable. Si estoit en si povre point avant que li païs venist en son gouvernement, que il estoit ausi comme touz coulez. Mais en son tens fu si recovrez et en si bon estat, que il meismes ot si grant volenté de guerpir le siecle et d’entrer en religion, à l’example de Challemaine[2] le frere le roi Pepin, son aiol, qui ensi l’avoit fait ; et bien eust mis à ovre son propos se li peres l’eust souffert ; mais, à droit parler, la volenté de Nostre Segneur, qui pas ne voloit que hons de si grant bien et de si grant pitié eust cure de soi tant seulement, ainz voloit que la pais et li porfiz de pluseurs fust par li gardez et moultepliez.
Maintes eglises et abbaïes restora et reedifia, desquiex pluseurs sont ci nommées. Le mostier Saint Philebert[3] et le mostier Saint Florent[4] ; le mostier de Carroz[5] et le mostier de Conches[6] ; le mostier de Saint
- ↑ La divinité, la théologie.
- ↑ Latin : « Karlomanni », Carloman.
- ↑ Saint Philebert, auj. Noirmoutier, Vendée, arr. des Sables-d’Olonne, ch.-l. de cant.
- ↑ Saint-Florent-le-Vieil, Maine-et-Loire, arr. de Cholet, ch.-l. de cant.
- ↑ Carroz, auj. Charroux, Vienne, arr. de Civray, ch.-l. de cant.
- ↑ Conches, auj. Conques, Aveyron, arr. de Rodez, ch.-l. de cant.
