Page:Viard - Grandes chroniques de France - Tome 4.djvu/65

La bibliothèque libre.
Le texte de cette page a été corrigé et est conforme au fac-similé.

mist au retor par cele maisme voie que il estoit alez. Mais li Gascon, qui par nature sunt poi estable et poi loial, firent embuschement es destroiz des montaignes pour l’ost asalir. Grant domage peussent avoir fait, et meesmement en tiex trespas où force ne chevalerie n’a mestier, se sens et porveance n’eust eschivée leur malice. Car li uns[1] qui premier venoit contre l’ost fu pris et penduz, et si furent prises les fames et li enfant de touz les autres et tenu jusques a tant que li oz ot touz les periz passez et que il furent en tel lieu que li Gascon ne les pooient de riens grever. Ensi retorna li rois en Aquitaine.

[2]Ja soit ce que il amast et doutast Dieu dès les jors de s’enfance, et eust volenté de garder et d’esaucier sainte Eglise, cil bons propos ne chai pas de son cuer, ainz crut et moulteplia, si com il monstra puis par ovres qui mieuz monstroient que il deust mieuz estre prestres que rois. Car avant que li roiaumes d’Aquitaine venist en sa main, li evesques et li clergiez de la terre, pour ce maesmement que il habitoient souz tyranz, estoient plus ententis à chevauchier en armes et à brandir javeloz, selonc la coustume dou païs, que

  1. D. Bouquet (Rec. des Hist. des Gaules et de la France, t. VI, p. 94, not g) dit que ce personnage, désigné seulement par l’Astronome par « uno enim eorum », serait Adalaric, duc des Gascons. D. Vaissète, Hist. de Languedoc, nouv. éd., t. I, p. 931, le répète, et Pertz (Scriptores, t. II, p. 616) reproduit la note de D. Bouquet. Mais comme, pour cette assertion, D. Bouquet ne s’appuie que sur la charte d’Alaon, nous pensons qu’il est plus prudent de rester dans l’incertitude de l’Astronome, car si un personnage aussi important qu’Adalaric eût été alors pris et pendu, il serait bien surprenant qu’un historien aussi bien informé que l’Astronome ne nous eût pas donné son nom.
  2. Vita Hludowici imperatoris, chap. xix.