que il avoient achatées, come maisons, chans, prez, vignes, granches et pressors, et si faiz heritages[1]. Quant li desloial virent ce, savoir puet-on que il furent forment troblé et tormenté. Aucun furent baptizié et persevererent toutes voies en la foi ; à ceus rendi li rois toutes leur possessions en l’onor de la foi que il avoient receue, et les franchi de toutes tailles et de toz servitutes à la maniere des autres crestiens. Cil qui demorerent en l’error anciene et avuglé des euz dou cuer, alerent aus barons et aus prelaz ; granz dons leur firent et leur promistrent sommes de deniers sanz nombre, se il pooient empetrer vers le roi leur demorance. Mais Diex, qui le cuer dou preudome avoit si emflamblé de la grâce dou Saint Esperit le conferma en son bon propos si forment, que ne par proieres, ne par promesses ne li porent li baron le cuer fraindre ne amollier[2].
[3]Quant li Juif virent que li prince et li prelat furent escondit, par cui proieres, quant il voloient doner et prometre, il soloient les autres rois assez legierement encliner à leur volenté, il furent merveilleusement es-
- ↑ Et si faiz heritages ; latin : « videlicet domibus, agris, vineis, granchiis, torcularibus et hujusmodi », c’est-à-dire les biens de même nature. Philippe-Auguste donna, moyennant un cens, aux pelletiers et aux drapiers de Paris, des maisons confisquées sur les Juifs. Il en donna aussi dans les mêmes conditions à des particuliers (H.-F. Delaborde, Recueil des actes de Philippe-Auguste, t. I, nos 94, 95, 134, 166).
- ↑ Le royal ms. 16 G VI, fol. 332, ajoute ici en note : « Si que l’en povoit dire du bon roy Phelippe ce qui est escript de saincte Agathe : On pourroit plus legierement grosses pierres au moulin moudre, et fer en blanc convertir que on peust l’entencion du roy confirmée du Saint Esperit muer. »
- ↑ Rigord, Gesta Philippi Augusti, § 16.
