[1]En cele année, en la XVIIme kalende de fevrier[2], Eracles, li patriarches de Jerusalem[3], li priors de l’Ospital[4], et li maistres dou Temple[5], furent envoiez en message en France au roi Phelippe de par les crestiens d’outre mer ; car Sarrazin estoient entré en leur terre, et mainz en avoient occis, pluseurs pris et menez en chaitivesons[6]. Si avoient pris fort chastel que on apele le Gué Jacob[7], et au prendre dou chastel, avoient-il occis pluseurs des freres dou Temple et pluseurs menez en prison. Ce estoit la raison par coi il estoient venu, car trop se doutoient li crestien que li Sarrazin ne cuillissent orguiel et hardement en eus, pour la victoire que il avoient eue, et que il ne preissent la sainte cité de Jerusalem en conchiassent[8] le Temple et le saint
- ↑ Rigord, Gesta Philippi Augusti, § 30.
- ↑ On ajoute dans le latin : « feria IIII », ce qui donne le mercredi 16 janvier 1185.
- ↑ Héraclius fut patriarche de Jérusalem depuis 1180 jusqu’à sa mort survenue vers 1191.
- ↑ Roger de Moulins qui occupa cette charge de 1177 au 1er mai 1187, date à laquelle il fut tué dans un combat.
- ↑ Arnaud de Torroge, maître du Temple de 1179 au 30 septembre 1184, date de sa mort à Vérone.
- ↑ Chaitivesons, captivité.
- ↑ Ce château, qui aurait été construit en 1178 par Baudouin IV, roi de Jérusalem, était situé sur le Jourdain, au nord du lac de Tibériade (Rec. des hist. des Croisades, t. I, 2e partie, p. 1049-1050 et t. II, p. 37).
- ↑ Conchiassent, souillent ; latin : « profanarent ».
