saint Denis l’Ariopagite et le glorieus martyr, arcevesque et né d’Athènes, deciple saint Pol, qui fu apostres et martyrs en France, de cui li cors gist en l’eglise que li rois Dagoberz fist faire. Quant li empereres oï ce, il se soffri atant, et envoia ses messages sollempniex au roi Herri pour ce que il cogneussent la verité et puis l’en feissent certain. Tantost com li message l’empereor furent venu, li rois semonst ses prelaz et ses barons et les envoia oveques son chier frere[1] en l’eglise Saint Denis. Quant il furent là venu ; et li prelat et li convenz et li baron et touz li poples orent fait oreson à Nostre Segneur, on traist hors les III vaissiaus d’eleutre[2] en quoi li glorieus martyr et si compagnon reposent, en la presence des messages l’empereor la chasse dou martyr fu desseelée et overte. Lors troverent le cors o tot le chief entierement, fors que II des os dou col qui sont en l’eglise de Vergi[3] en Borgoigne, qui est fondée en l’onor de lui, et un os de l’un des bras que li apostoles Estienes III enporta à Rome par grant devotion, et le mist en une eglise qui est apelée l’escole des Griex[4]. Quant li prelat et li ba-
- ↑ Eudes, quatrième fils de Robert le Pieux, mort sans postérité. Latin : « cum Odone karissimo fratre suo ».
- ↑ Eleutre, latin : « vasa argentea », sorte de métal, alliage malléable d’or et d’argent (voir Victor Gay, Glossaire archéologique du moyen âge, au mot electrum. Cf. Grandes Chroniques, t. V, p. 62, note 1).
- ↑ Vergy, auj. hameau et centre paroissial de la commune de Reulle-Vergy, Côte-d’Or, arr. de Dijon, cant. de Gevrey-Chambertin.
- ↑ Paul Ier, frère du pape Étienne III, fit construire dans sa demeure « in sua propria domu » un monastère en l’honneur de saint Étienne et de saint Silvestre pour y placer les reliques d’un grand nombre de martyrs. Il y établit une congrégation de moines pour y chanter la psalmodie en grec (Vita Pauli I,
