les autres Richart conte de Cornubie[1], frere du roy d’Angleterre ; pour quoy il ot descort qui puis dura pluseurs ans.
[2]Ycelui pape, qui nommés estoit Alexandre, reprouva et dampna ii faux livres, desquiex l’un disoit que tous religieux qui preschoient la parole Dieu ne povoient estre sauvez en vivant d’aumosnes ; et enseignoit pluseurs autres erreurs contre l’estat de povreté. Et fu aucteur de celui livre un clerc nommé maistre Guillaume de Saint Amor qui fu condempné ensemble avec son œuvre et sa fausse doctrine[3].
Li autres livres affermoit, entre les autres erreurs qui y estoient contenues, que l’euvangile de Jhesu Crist et la doctrine du nouvel testament ne parmena onques homme à perfeccion, et que elle devoit estre mise en néent et condempnée après mil cc lx ans, et en l’an mil CC LX, devoit commencier la doctrine de Jehan, lequel livre l’aucteur appella l’euvangile pardurable en attribuant à ce livre toute la perfeccion de ceulz qui sont à sauver.
Item, il estoit dit en celui livre que les sacremens de la nouvelle loy devoient en yceli an mil CC LX estre évacués et anullez. Lesquelles erreurs, toute l’experience du temps et l’auctorité du pape condempna et anoienty.
Il est affermé que l’aucteur de ce livre nommé l’Eu-
