par la vertu desdiz procès faiz encontre li à la requeste de sa dite femme.
Item, en ce temps ot le roy de France deliberacion avecques son conseil, à savoir mon se pour le deffaut du roy d’Angleterre qui estoit son homme de la duché d’Aquitaine, et lequel estoit refusant de en faire hommage audit roy de France, se ledit roy de France la devroit appliquier à sa seigneurie. Si li fu respondi que non ; mais seulement durant le temps que l’ommage n’a pas esté fait, supposé que la citacion ait esté faite deuement, le seigneur puet faire endementres les fruis de la terre de son vassal siens jusques atant que son dit vassal retourne à l’ommage de son seigneur. Et pour ceste cause furent envoiez en Gascoigne l’evesque d’Arraz[1] et le seigneur de Craon[2], afin qu’ilz meissent tous les emolumens et revenues de la duché d’Aquitaine en la main du roy de France, jusques atant que le roy d’Angleterre li eust fait hommage deu[3].
Item, derechief et d’abondant, le roy de France envoia autres messages en Angleterre audit roy d’Angleterre, afin qu’il fust cité une foiz pour toutes pour ledit hommage faire, et par tele maniere que s’il estoit negligent de faire ledit hommage, l’en procede-
- ↑ Pierre Roger.
- ↑ Amaury III qui mourut le 26 janvier 1333 ; il était fils de Maurice V, sire de Craon, et de Mahaut de Malines (Bertrand de Broussillon, La maison de Craon, t. I, p. 246 à 267).
- ↑ Un subside fut même demandé pour l’Ascension et les troupes furent convoquées à Bergerac pour la Pentecôte 1329 (10 mai) par Philippe VI, dans le cas où Édouard III refuserait de prêter hommage pour le duché de Guyenne (Hist. de Languedoc, nouv. édit., t. IX, p. 457 et note 5, et t. X, col. 686, 688 à 693, 694).
