Et ce qu’il ont mespris jusques à ore, a esté par mal conseil de gens qui ne gardoient pas au profit commun, mais au profit de eulz tant seulement. Donné sus les champs, à la prioré Saint Andrieu delez Ayre, souz le seel de nostre secré, en l’absence de nostre grant seel, le XXX jour de juillet, l’an de grâce mil CCC et XL.
[1]Endementres que le roy de France fu à Saint Andrieu et qu’il ot receues les lettres du roy anglois, ainsi comme vous l’avez oy par avant, envoierent ceulz de Tournay à lui, que pour Dieu il les vousist secourre, car leurs anemis les avoient si environnez que nul vivre ne pooit à eulz entrer. Et tantost y envoia le roy le duc d’Athènes[2], le visconte de Touart[3], le visconte d’Aunoy[4], le seigneur Pierre de Fauquegny, le conte d’Aucuerre[5], le seigneur de Craon[6] et son frere, monseigneur Guy Tulepin[7], le seigneur de Chasteillon en Touraine, le filz au conte de Roussi[8], le dalphin d’Auvergne[9], [le seigneur de Cliçon][10], le seigneur
- ↑ Cf. Chronographia, t. II, p. 147-148, et Istore et croniques de Flandres, t. I, p. 395.
- ↑ Gautier de Brienne, duc d’Athènes.
- ↑ Louis, vicomte de Thouars, fils de Jean Ier.
- ↑ Ponce de Mortagne, dont la fille Marguerite épousa Jean de Clermont, maréchal de France (voir P. Guérin, Archives historiques du Poitou, t. XI, p. 269, note 1).
- ↑ Jean II de Chalon, comte d’Auxerre, qui fut tué à Crécy.
- ↑ Amauri IV de Craon, fils de Maurice VII et de Marguerite de Mello.
- ↑ Tulepin peut-être pour Turpin. Les Istore et croniques de Flandres, t. I, p. 395, donnent : « messire Guy Dauphin ».
- ↑ Le comte de Roucy était alors Jean V, fils de Jean IV et de Jeanne de Dreux ; il avait plusieurs fils.
- ↑ Jean, comte de Clermont et dauphin d’Auvergne, qui épousa Anne de Poitiers, fille du comte de Valentinois.
- ↑ Dans le ms. fr. 17270 et non dans le ms. fr. 2813.
