Geffroy ne vint, ne comparut, ne n’envoia pour soy procureur souffisaument fondé[1]. Mais, non obstant l’inhibition du roy, ledit messire Geffroy assega en I chastel[2] messire Guillaume dit Bertran, evesque de Lysieux[3], frère du devant dit messire Robert ; et depuis, si comme l’en disoit communement, se commença ledit messire Geffroy à erdre[4] aveques le roy d’Angleterre et aveques les anemis du roy de France.
Item, en ce temps, Phelippe roy de Navarre, frere de la royne Jehanne femme du roy Charles derrenierement trespassé, assez tost après la Pasque prist sa voie pour aler en l’ayde du roy de Castelle contre les Sarrazins, lequel, quant il fu parti de France s’en ala à Avignon, et là fu par une espace de temps aveques le pape et les cardinaux.
Item, en ce meismes an, comme le roy, à la requeste du duc de Bourgoigne, li vousist aucunement aidier, car en sa terre avoit très grant deffaute de vivres, et eust le roy ordenné que sur le terrouer d’Orliens, de Biausse et de Gastinois, ceste maniere d’ayde seroit levée pour aidier au pays du devant dit duc. Dont il avint que les clers estudians à Orliens, aveques les
- ↑ Godefroi de Harcourt fut déclaré coutumace par jugement du 15 juillet 1344 (L. Delisle, op. cit., pièces justificatives, p. 105).
- ↑ Le château de Neuilly, Calvados, arr. de Bayeux, cant. d’Isigny.
- ↑ Chronique de Richard Lescot, p ; 60 : « episcopum Baiocensem ». Guillaume Bertrand était, en effet, évêque de Bayeux. Il avait été transféréé de Noyon à Bayeux le 23 janvier 1338 et il occupa ce siège jusqu’au 14 mai 1347, date à laquelle il fut nommé évêque de Beauvais. Il mourut le 19 mai 1356.
- ↑ Erdre, s’attacher.
