siroit de toute sa force ensuivre son adversaire, chevaucha celle journée x liues afin qu’il peust trouver son adversaire en disnant. Adonques le roy d’Angleterre, quant il ot oyes ces nouvelles, par lettres des traitres qui estoient estans en la court du roy, que le roy de France estoit près et que hastivement il venoit contre lui, il laissa son disner et s’en departi et s’en ala à Soigneville[1], au lieu qui est dit Blanche Taque[2], et yleques passa la riviere de Somme aveques tout son ost, et emprès une forest qui est appellée Creci[3] se loga. Et les François mengierent et burent les viandes que les Anglois avoient appareilliées pour leur disner. Après ce, s’en retourna le roy comme dolent à Abbeville pour assambler son ost et pour fortifier les pons de laditte ville, afin que son ost peust seurement passer par dessus, car il estoient moult foibles et moult anciens. Le roy demeura toute celle journée de vendredi[4] à Abbeville, pour la reverence de monseigneur saint Loys, duquel le jour estoit. L’endemain à matin, le roy vint à La Braye[5], une
- ↑ Saigneville, Somme, arr. d’Abbeville, cant. de Saint-Valéry-sur-Somme.
- ↑ Le gué de la Blanchetaque, franchi par les Anglais le 24 août, se trouve entre Saigneville, sur la rive gauche de la Somme, et Fort-le-Grand, cant. de Nouvion-en-Ponthieu, sur la rive droite.
- ↑ Crécy, Somme, arr. d’Abbeville, ch.-l. de cant.
- ↑ 25 août.
- ↑ Il y a confusion entre Labroye (Pas-de-Calais, arr. de Montreuil, cant. d’Hesdin), où Philippe VI se retira après la bataille de Crécy, et Noyelles-sur-Mer (Somme, arr. d’Abbeville, cant. de Nouvion-en-Ponthieu), ville sur laquelle il se dirigea à sa sortie d’Abbeville (Froissart, éd. Luce, t. III, p. xlix, note 2).
