et aler, et meismement les Genevois, le roy commanda que l’en descendist sus eulz. Adonques les nostres qui les cuidoient estre traitres les assaillirent moult cruellement et en mistrent plusseurs à mort. Et comme le roy desirast moult à soy combatre main à main au roy d’Angleterre, mais bonnement il ne pooit, car les autres batailles qui estoient devant se combatoient aus archiers, lesquiex archiers navrerent moult de leurs chevaux et leur firent moult d’autres dommages, en tant que c’est pitié et doleur du recorder, et dura laditte bataille jusques à souleil couchant. Finablement tout le fès de la bataille chei sus les noz et fu contre eulz.
En ycelle journée, toute France ot confusion telle qu’elle n’avoit onques mais par le roy d’Angleterre soufferte, dont il soit memoire à present. Car par pou de gent et gent de nulle value ; c’est assavoir archiers, furent tuez le roy de Boème[1] filz de Henri jadis emperere ; le conte d’Alençon frere du roy de France[2] ; le duc de Lorraine[3] ; le conte de Bloyes[4], le conte de Flandres[5] ; le conte de Harecourt[6] ; le conte de Sancoirre[7] ; le conte de Samues[8] et moult d’autre noble
- ↑ Jean de Luxembourg, roi de Bohême, fils de l’empereur Henri VII.
- ↑ Charles II, comte d’Alençon.
- ↑ Raoul, fils aîné de Ferry IV.
- ↑ Louis Ier de Chatillon, comte de Blois.
- ↑ Louis Ier dit de Nevers.
- ↑ Jean IV, comte de Harcourt.
- ↑ Louis II, comte de Sancerre.
- ↑ Sammes (ms. fr. 17270, fol. 413). C’est probablement Simon, comte de Salm, qui est ainsi désigné. Cf. Chronique normande, p. 275, note 10.
sart, éd. Luce, t. III, p. 177 à 193 et 420 à 437 ; Chronique de Richard Lescot, p. 74-75.
