niere de trayr la cité estoit contenue. Après ce, s’en retourna ledit Colin à Reins au jour que ledit Gauvain li avoit dit, et fu ledit Colin moult bien entroduit de par le roy, et trouva ledit Colin son maistre Gauvain, la veille de Pasques, si comme il li avoit promis ; mais il estoit en habit de Premonstré, comme religieux vestu[1]. Lors se traist ledit Colin par devers le prevost de Reins et fist prendre ledit Gauvain en son lit le jour de Pasques[2]. Si voult ledit Gauvain vestir habit seculier, mais il ne li fu pas souffert ; si fu vestu en la maniere qu’il estoit entré en la cité.
Ce meismes jour, aprés disner, il fu mené à Laon et fu mis en la prison de l’evesque, et fu gardé diligeaument. Mais le peuple voult veoir le traitre de eulz et de leur cité, comment et par quel maniere il estoit condampné. Si fu mis hors de prison, et avoit en son col et en ses mains cercles de fer et anniaus de fer moult fors. Et depuis fu mis en une charete, en laquelle il avoit une piece de boys au travers, sus laquelle il se seoit, afin qu’il fust veu de tout le peuple, et que ledit peuple sceut et cogneust qu’il estoit condampné à chartre perpetuel. Mais si tost comme il fu mis hors de la court à l’ofificial et qu’il estoit mené par la cité, le peuple ne pot longuement regarder leur traitre ; si le lapida le peuple de pierres et ot le hanepier[3] de la teste copé, et mourut honteusement et a grant tourment. Adonques, endementres qu’il souf-
