Cette page n’a pas encore été corrigée
DEUR.|c}}
Et s’il y avoit tant de matières,
En les fondant d’un cueur joyeulx,
Que pour ung homme en viennent deux,
Quant 1’ouvraige dehors sera (1),
Que dictes-vous ?
PERNETTE.
Tant mieulx vauldra ;
Mais qu’ilz soyent bons laboureurs.
L’ung sera pour les jours ouvriers,
Et l’aultre pour les bonnes festes.
LE FONDEUR.
Puisque de si grand vouloir estes,
Affin qu’ils soyent plus fort rouges,
Il vous fauldroit mener les vouges
Et souffler à toute puissance.
JENNETTE.
Très voulentiers.
LE FONDEUR.
De ma naissance
Ne trouvay femmes si hastives ;
Se sont les plus superlatives
Que soyent d’icy à Senlis.
PERNETTE.
Comment se portent noz marys ?
Maistre, pensé(s) de nous respondre.
LE FONDEUR.
Ilz commencent très fort à fondre ;
Je ne sçay quelle fin ilz feront.
(1) Texte : sera dehors.
