Cette page n’a pas encore été corrigée
84 FARCE
Ayez ung peu (de) patience,
Et cuidez-vous que la science.
Se publie en si peu d’heure ?
JENNETTE.
Il y a desjà plus d’une heure
Qu’il(z) sont dedans vostre fournaise.
LE FONDEUR.
(Je) sçay bien que fera y à mon ayse
Pour mieulx contregarder le faict.
Se le vostre estoit contrefaict,
Boyteux, bossu, borgne ou louche,
Vous en seriés trop mal contente.
PERNETTE.
Il est trop cler.
LE FONDEUR.
Ung peu attendre ;
Nous ferons bien nostre besongne.
JENNETTE.
On vous payera en beaulx ducatz ;
Nous mesmes les avons en garde.
PERNETTE.
Esse faict, (maistre) ?
LE FONDEUR.
Regardez icy :
La matière est presque coullée.
Soufflez encore une soufflée
Pour les coulourer à devis.
JENNETTE.
J’ay bien soufflé, ce m’est advis.
Dieu vueille que le mien soit (tout) fin.