Cette page n’a pas encore été corrigée
JENNETTE.
Il ne tient pas là.
THIBAULT.
N’avez-vous pas vos vestemens,
Et plusieurs beaulx habillemens,
Et aussi vos beaulx tissus ?
JENNETTE.
Il ne tient pas là.
THIBAULT.
Ne tiens-je pas, ma debonnaire,
Tous les jours bon ordinaire ?
Biens ne nous failliront en piece,
Ça, dieu mercy.
JENNETTE.
n ne tient pas là.
THIBAULT.
Je ne vous fais point de riotte ;
Je ne vous touche ne courrouce ;
Car oncques homme mieulx n’ayma
Sa femme que moy, (ce) m’est advis.
JENNETTE.
Il ne tient pas là.
THIBAULT.
N’allez-vous pas danser aux festes
Avec d’autres femmes honnestes ?
Festoyer de çà et de là,
Où il vous plaist ? •
JENNETTE.
Il ne tient pas là.
Par ma foy, vous n’y estes mye.