Cette page n’a pas encore été corrigée
THIBAULT.
A quoy tient-il doncques, m’amye ?
Je vous requiers que je le saiche.
Je suis un peu pesant et lasche
Pour faire l’amoureulx desduict.
Je ne sçay si cela vous nuict.
Voulez-vous pas habille estre
En tel cas ?
JENNETTE.
Il (se) pourroit bien estre.
THIBAULT.
Et pourquoy ?
JENNETTE.
Nature le donne.
THIBAULT.
Ha, m’amye, qui ne peult ne peult ;
Vous debvez prendre pacience.
Celluy mestier n’est pas science
Pous recouvrer de bien en mieulx ; •
Car, quant l’homme devient plus vieulx,
Il devient plus lasche à ouvrer :
Il n’est si vaillant laboureur
Qui ne s ’ennuy de labourer.
JENNETTE.
Je ne cesseray nuyct ne jour
De muser ne d’estudier •
S’on y pourroit remédier ;
Car il me touche de trop près.
THIBAULT.
Où allez-vous ?
