DES FEMMES. 71
Ne de quoy donnasse ung haston.
COLLART.
N’y pensez plus.
Il m’est bien force.
Je ne m(e) en sçauroy tenir.
COLLART.
Femme de hien doiht maintenir
Chasteté ; la vertu est belle.
Soyt belle ou layde, j’en appelle ;
Car j’ay le cueur en la besongne.
Je m’en voys filler ma quenoille,
Passer le temps sus ma commère.
COLLART.
Or allez ; (et) se mon compère
Veult venir souper avec nous,
Si l’amenez avec(ques) vous,
Et nous ferons très bonne chère.
LE FONDEUR DE CLOCHES.
Ho, chaulderons vieilz, chauderons vieilz. !
Or ça, ça, qui ne sçait manière
Trouver aujourd’huy de gaigner,
Et d’amasser et d’espargner,
Il est tenu pour une beste.
J’ay science belle et honneste
Et prouffitable en plusieurs lieux.
Or escoutez, jeunes et vieulx,
Et entendez bien ma parolle.
Saichez que je viens d’une escolle
Où j’ay aprins mainte(s) science(s),