parce qu’ordinairement on l’addressoit au Roy. On fit ensuite des balades qui estoient moins longues que le chant Royal. Ordinairement à la fin de ces poemes on mettoit en cinq vers un abbrégé du sujet qu’on appeloit envoy, parce qu’on l’addressoit au Roy pour se le rendre favorable.
Voilà, Monseigneur, ce que je sçay.
J’ay bien l’honneur d’estre votre très humble serviteur,
J’ay eu ce matin mesme une lettre de Nostre Saint Père le pape qui me faict excessivement plaisir, pour ce que Sa Sainteté daigne exaucer ma prière et prendre sous sa protection l’établissement que je luy avois recommandé.
Je ne doute pas que l’empressement et la bonne volonté que Sa Sainteté a mise en ceste affaire n’émane de vostre recommandation. Aussy je m’empresse de faire ce mot à Vostre Majesté pour luy en tesmoigner toute ma joie et l’assurer que j’en garderay un éternel souvenir.
