Cette page a été validée par deux contributeurs.
Sil Daciens, en tote guise,
Voleit destruire sainte iglise ;
Vers Jesu-Crist vost faire la guerre :
Si manda les gens de sa terre,
Ses barons fist venir à sei,
Por nos destruire et notre lei
n la cité de Melitaine
Vindrent tos, mult fu de gent plaine.
Daciens li fels, li plains d’ire,
Dist à tos seaus de son enpire :
« Se nus crestien puist tenir
A greve mort le ferai morir ;
Escorchier li ferai la teste,
Traire les iaus à grant moleste.
Les autres menbres ferai pendre,
O ardre, o torner en cendre. »
os séaus qui torment savoient,
Et qui gent tormenté avoient
Fist venir à soi et conduire,
Por tos les crestiens destruire.
