Cette page a été validée par deux contributeurs.
As os perceier fist glaives faire
Et tenailles por les dens traire,
Et rasors por le cuir des chiefs
Escorchier, fist tormenz et griefs ;
Por la char frire et les boeles,
Fist faire à grant planté paeles ;
Por les cors desronpre et destraire,
Fist une roé trenchant faire :
De grief torment ot mainte forge
En Militaine, au tenz saint Jorge.
n Capadosse ert à estage
Sains Jorge entre son lignage.
D’ileuc se mut par verité
En Militaine la cité.
Là aporta mult grant aver.
Et vost la covine saver
Del parlement qui deveit estre
Devant l’enperéor le maistre.
Mult se merveila des genz foles
Qui aoréent les idoles,
